20.4 C
Indonesia
Sunday, July 31, 2022
- Advertisement -

Moment Of The Day – 07 Januari

Sahabat Elshifa, kita akan mengingat sebuah peristiwa yang terjadi tanggal  07 Januari.

Hari ini tepatnya tanggal 07 Januari 2004 adalah hari pada saatKabupaten Dharmasraya di Sumatra Barat didirikan.

Kabupaten Dharmasraya adolah salah satu kabupaten nan barado di Provinsi Sumatera Barat, Indonesia, nan wilayahnyo babateh juo jo Provinsi Riau jo Jambi. Kabupaten ko dibantuak dek Undang-undang no. 38 Taun 2003, di ma sabalunnyo wilayah iko adolah bagian dari kabupaten Sawahlunto-Sijunjung. Ibu kota kabupaten ko adolah Pulau Punjung.

Namo Dharmasraya patamo kali tasabuik pado batu basurek Padang Roco (1347 M), nan pado maso tu marupoan pusek Karajaan Malayupura, nan dipimpin dek rajo-rajo dari wangsa Mauliwarmadewa. Batu basurek ko tapahek pado aleh (lapik) patuang Amoghapāśa Lokeśvara, nan dibao dari Jawa dek ampek pajabaik Karajaan Singhasari ateh parentah Maharajo Sri Kertanagara. Tigo situs kompleks biaro paninggalan karajaan lamo tu, iyolah situs Padang Roco, situs Pulau Sawah jo situs Bukik Awang Maombiak, talatak di Nagari Siguntua di kecamatan Sitiung.

Pado maso satalah masuaknyo agamo Islam di Minangkabau, di wilayah ko badiri Karajaan Siguntua, nan para panguasonyo bagala Sutan atau Sultan.[8][9] Paninggalan sijarah karajaan Islam ko antaro lain barupo naskah, musajik kuno, rumah gadang, sarato cap mohor (stempel) karajaan nan batulis jo uruf Arab. Sabagai kabupaten nan baru, Kabupaten Dharmasraya kudian dirasmikan pado tanggal 7 Januari 2004 dek Gubernur Sumatera Barat ateh namo Menteri Dalam Negeri, dan kagiatan pamarentahan dimulai pado tanggal 10 Januari 2004 dek Pjs Bupati Dharmasraya. Pada tanggal 12 Agustus 2005, tapiliahlah Bupati jo Wakil Bupati Kabupanten Dharmasraya malalui pilkada lansuang.

Redaksi
Redaksi
Admin

Related Articles

Stay Connected

8,168FansLike
1,010FollowersFollow
500FollowersFollow
- Advertisement -spot_img

Latest Articles